Кәмелетке толмағандар арасында құқық бұзушылықтың алдын алу, олардың құқықтық сауаттылығын арттыру, кәмелетке толмағандардың құқықтарын қорғау саласындағы әкімшілік құқық бұзушылықтарды анықтау, сондай-ақ балаларға қатысты қылмыстық қол сұғушылықтардың алдын алу мақсатында мектеп әкімшілігі және ерікті ұстаздардан құралған топ рейдтік іс-шараларды жүргізді. Рейд барысында Бектөбе алабындағы «Сұлтан сарай», «Ұлытау», «Бақдәулет» мейрамханалары; дүкендер, алап көшелері қамтылды.

Бала тәрбиесінде мектеп, ата-ана және қоғам арасындағы серіктестікті нығайту, отбасындағы тәрбиенің рөлін күшейту, сондай-ақ балалардың қауіпсіздігі мен эмоциялық әл-ауқатына қатысты маңызды мәселелерді талқылау мақсатында ата-аналар қоғамдастықтарымен кездесу ұйымдастырылды. Кездесу барысында ата-аналар мен педагогтар баланың тұлғалық дамуы, ата-ана жауапкершілігі, отбасы құндылықтары, мейірімді қарым-қатынас қалыптастыру жолдары бойынша пікір алмасты. Қатысушыларға практикалық ұсыныстар

Балалардың эмоциялық әл-ауқатын қолдап, ата-аналарға пайдалы кеңестер ұсыну мақсатында ашық есік күні ұйымдастырылды. Ашық есік күні барысында қатысушылар психологтардан кеңес алып, эмоциялық саулыққа арналған тренингтерге қатысты. Іс-шара Балалардың және ата-аналардың психологиялық әл-ауқатын нығайтуға бағытталған. Қамқорлық пен сүйіспеншілік – бақытты өмірдің бастауы!

9-сынып оқушылары арасында «Интернетті білім алуда пайдалану: пайдасы мен қауіпі» тақырыбында пікірсайыс өтті. Мақсаты - цифрлық технологиялардың күнделікті өмірге әсерін жан-жақты талдау, олардың пайдалы және зиянды қырларын көрсету; оқушылардың ақпараттық-коммуникациялық технологиялар туралы білімін тереңдету; оқушылардың сыни ойлауын дамыту; пікір айту мәдениетін қалыптастыру; командалық жұмыс, жауапкершілік және аргументті сөйлеу дағдыларын дамыту.