Әдістемелік жұмыстар - Сш Амангелды

«Махаббат пен шығармашылық педагогикасы» онкүндігі

admin — Mon, 17 Feb 2020 16:34:45 +0600

«Қандай ата-ана болмасын баласының басқа балалардан артық болғанын қалайды. Алайда, біз алдымен балаларымыздың Жақсы Адам болғаны туралы армандауымыз керек. Адам деген биік атақты бүкіл өмір бойғы сынақтардан шаң тигізбей алып өтуі хақында арман етуіміз керек»-дейді «Өзін-өзі тану» рухани-адамгершілік бағдарламасының авторы Сара Алпысқызы Назарбаева.
Үстіміздегі жылдың 3-12-ақпан аралығында республика мектептерінде өткен дәстүрлі «Махаббат пен шығармашылық педагогикасы» атты онкүндік Амангелді атындағы орта мектебінде салтанатты жиынмен басталып, «Балаға жүрек жылуы» деп аталған тақырыптық сынып сағаттарымен жалғасты.
Мектеп кітапханашылары «Мейірімді ана» деп аталған кітап көрмесін ұйымдастырып, «Өзін-өзі тану» пәні мұғалімдері сынып жетекшілермен біріге отырып «Сүйіспеншілікпен өмір сүру» тақырыбында дөңгелек үстел, патриотизм мен адамгершілік, қайырымдылық туралы дебаттар өткізді. «Алтын жүректі анамыз» тақырыбындағы мәнерлеп оқу байқауында Сара Алпысқызына арналған өлеңдер оқылып, ән шырқалды. Шығармашыл оқушылар көмегімен «Руханилықтың мөлдір бұлағы» атты көрме ұйымдастырылды. Тараз қаласына оқушыларды қыдыруға апарып, көне қала тарихымен таныстырдық.
«Махаббат пен шығармашылық педагогикасы» атты онкүндік 12-ақпанда мектептің мәжіліс залында «Бәрі сүйіспеншіліктен басталады» атты өнер фестивалімен қорытындыланды.
«Өнер де жүрек ісі. Өнерді сүю, өнерге талпыну-ізгі ниет. «Өзіңді - өзің тани алсаң, бар тіршілікті де тани аласың» деген көнеден келе жатқан сөз бар. Жақсылық жасай білу, сүйіспеншілікпен өмір сүру-адамның өмірге келгендегі үлкен мақсаты. Өйткені, сүйіспеншілік-тіршіліктің бастауы, әлемді өзгерте алатын қуатты күш. Ал өнерге деген сүйіспеншілік - адамның өзін жан-жақты дамытуына, өзін-өзі тануына көмектесетін бірден-бір құдіретті дүние» - деп басталған бұл кеште негізгі мақсат оқушы балалардың бойында жалпыадамзаттық құндылықтарды дамыту, өнерге баули отырып, ізгілік пен жақсылыққа тәрбиелеу болды. Тағылымды да тартымды сахналық қойылымдар қойылып, ән шырқалып, би биленді, оқушылардың өз шығармашылығынан өлеңдер оқылды. Кеш барысында Сара Алпысқызына арналған құттықтаулар айтылды. Кешке үлестерін қосқан оқушылар мектеп әкімшілігі тарапынан марапатталды.

TIMSS-2019 халықаралық зерттеу

admin — Tue, 07 May 2019 23:51:51 +0600

TIMSS зерттеуі – әлемдегі математика мен жаратылыстанудан сабақ беру және оқыту үдерістерін дамыту мақсатында жүргізіліп, қатысушы елдердің білім беру жүйесіндегі ерекшеліктерді анықтап түсіндіруге бағытталған. TIMSS зерттеуінің ерекшелігі оқушылардың нәтижелеріне әсер ететін факторларды анықтау болып табылады. TIMSS-2019 зерттеуіне «Амангелді атындағы орта мектебі» КММ-нің 4 «Б» сынып және 8 «Б» сынып оқушылары қатысу мәртебесіне ие болды.

TIMSS-2019 зерттеуі біздің мектебімізде 30-сәуір күні өтті. 4 «Б» сынып және 8 «Б» сынып оқушылары математика мен жаратылыстанудан тест жұмыстарын орындап, сауалнама жазды. Сонымен бірге бұл зерттеуге 4- сынып ата-аналары, пән мұғалімдері де қатысып, сауалнама жазды.

"Ең үздік мектепалды даярлық педагогы" аудандық байқау

admin — Wed, 10 Apr 2019 05:33:11 +0600

"Ең үздік мектепалды даярлық педагогы" аудандық байқауының ІІорын иегері Тойшыманова Жанерке

"Дарынды балаларға-талантты ұстаз" педагогикалық олимпиада

admin — Wed, 10 Apr 2019 05:25:30 +0600

Математика пән мұғалімі Алимкулова Жансая облыстық "Дарынды балаларға-талантты ұстаз" педагогикалық олимпиададан ІІ орын иеленіп, республикаға жолдама алды

"Қыз тәрбиесі-ұлт болашағы" қыздармен жұмыс /2-8 сынып/

admin — Thu, 04 Apr 2019 05:10:28 +0600

"Қыз тәрбиесі-ұлт болашағы" қыздармен жұмыс /5-11 сынып/

admin — Thu, 04 Apr 2019 05:08:30 +0600

"Оқушылардың функционалдық сауаттылығын арттыру"коучинг

admin — Thu, 04 Apr 2019 05:04:42 +0600

"Бастауыш сыныпта функционалдық сауаттылықты қалыптастыруда ойындық әдістерді қолдану" аудандық семинар

admin — Thu, 28 Feb 2019 05:37:15 +0600

"Бастауыш сыныпта функционалдық сауаттылықты қалыптастыруда ойындық әдістерді қолдану" тақырыбында аудандық семинар Амангелді орта мектебінде өтілді. Семинардың ашылуында мектеп директоры Б. Бабашева бастауыш сынып бірлестігінің 2017-2018,2018-2019 оқу жылдарындағы жетістіктеріне тоқталды. Аудандық білім бөлімінің әдіскері Нағима Өрісқызы Лесова "Бастауыш сыныпта қалыптастырушы бағалау тапсырмаларын құрастыру жолдары" тақырыбында баяндама оқыды. Мектеп психологтары Г.Әжібаева мен А.Марасилова "Жүрегіңді мейірімділікке толтыр" тренингі мұғалімдердің психологиялық тұрғыдан ынталануына әсер етті. Семинардың практикалық бөлімінде өткізілген ашық сабақтар,панорамалық сабақтар жоспарға сәйкес өтілді.

Лесова Нағима Өрісқызы мұғалімдердің кері байланысына тоқталып, аудандық білім бөлімінің алғыс хатын семинарға белсене қатысқан мұғалімдерді марапаттады

"Махаббат пен шығармашылық педагогикасы" атты онкүндік

admin — Tue, 12 Feb 2019 22:02:44 +0600

Амангелді орта мектебінде "Махаббат пен шығармашылық педагогикасы" тақырыбындағы онкүндік "Біз жарық жұлдыздармыз" атты өзін -өзі тану пәні мұғалімі Г.Жүмәсіл ұйымдастырған өнер фестивалімен қорытындыланды. 2-8 сыныптар арасында өткен іс-шарада рухани адамгершілік бағытындағы сахналық қойылымдар көрсетіліп, әдемі әндер шырқалып, мың бұралған билер биленді. Фестваль өте әсерлі,жоғары деңгейде өтті.

"Сақ бол" тәрбие сағаты 2 "В" сыныбы

admin — Sun, 10 Feb 2019 08:38:44 +0600